Saturday, September 1, 2012

వినోదమే సుడిగాడు విజయ మంత్రం


వినోదమే సుడిగాడు విజయ మంత్రం
Allఅరుంధతి మూవీస్‌ పతాకంపెై చంద్రశేఖర్‌ డి. రెడ్డి నిర్మించిన ‘సుడిగాడు’లో అల్లరి నరేష్‌ హీరో. తమిళ హిట్‌ ఫిల్మ్‌ ‘తమిళ్‌ పడమ్‌’ ఆధారంగా దర్శకుడు భీమనేని శ్రీనివాసరావు రూపొందించిన ఈ సినిమా ఇటీవల విడుదలెై ఘన విజయం దిశగా దూసుకుపోతోంది.అల్లరి నరేష్‌ ఇప్పటివరకూ నటించిన చిత్రాలలోనే భారీ వసూళ్లు సాధించిన చిత్రంగా ‘సుడిగాడు’ ప్రశంసలు అందుకుంటోంది. ముఖ్యంగా రిపీట్‌ ఆడియన్స్‌ వస్తున్నారు ఈ చిత్రానికి. ఈ సందర్భంగా ఏర్పాటు చేసిన పాత్రికేయ సమావేశంలో అల్లరి నరేష్‌ మాట్లాడుతూ ఇలా స్పందించారు. ‘ఈ సినిమా మీద మొదటినుంచీ అంచనాలయితే ఉన్నాయి కానీ ఈ స్థాయిలో కలెక్షన్లు వస్తాయని మాత్రం నేను ఊహించలేదు. ‘సుడిగాడు’ను చిన్న సినిమాల్లోనే ‘గబ్బర్‌సింగ్‌’, ’దూకుడు’ అంటున్నారు. ఇది నాన్నగారు బతికున్నప్పుడు ఒప్పుకున్న చివరి సినిమా. ఆంధ్రప్రదేశ్‌తో పాటు ఓవర్సీస్‌లోనూ ‘సుడిగాడు’ పెద్ద హిట్టయింది.

తొలివారంలో రూ. 8 కోట్ల షేర్‌ వసూలు చేసిందని తెలిసి చాలా సంతోషంగా ఉంది. సినిమాలోని వినోదం వల్లే ఆ స్థాయి హిట్టయ్యిందనేది నా అభిప్రాయం. పబ్లిసిటీకి, మౌత్‌ టాక్‌ విస్తరించడం కూడా దీనికి కారణం. ఒరిజినల్‌ ‘తమిళ్‌ పడమ్‌’ కంటే పెద్ద హిట్టయింది. ఆ సినిమా డెైరెక్టర్‌ అముదన్‌కు అది తొలి చిత్రం. ‘సుడిగాడు’ రిలీజయ్యాక ఆ సినిమా హిందీ, కన్నడ రీమేక్‌ హక్కులు కూడా అడుగుతున్నారు. ఖర్చుకు తగ్గ విజయం ఇది. అది వరకు నా సినిమాల మార్కెట్‌ రూ. 6 నుంచి రూ. 6.5 కోట్లుగా ఉండేది. ఈ సినిమాకి బడ్జెట్‌ ఎక్కువవుతుందని దర్శకుడు భీమనేని శ్రీనివాసరావు చెబితే నిర్మాత చం ద్రశేఖర్‌ డి. రెడ్డిగారు బడ్జెట్‌ గురిం చి ఆలోచించవద్దని భరోసా ఇచ్చారు. ఖ ర్చు పెట్టిన దానికి తగ్గట్లే బిజినెస్‌ జర గడం, కలెక్షన్లు రావడం, ఈ సినిమాని కొనుక్కున్న వాళ్లంతా సం తోషంగా ఉండటం చాలా హ్యాపీ. ఈ సినిమా కోసం భీమనేనిగారు చాలా కష్టపడ్డారు.
Allari
స్పూఫింగ్‌ (పేరడీ) కోసం వంద సినిమా ల్ని ఎంపిక చేసుకోవడం, వాటిలోంచి ఈ సినిమాకి పనికివచ్చే అంశాల్ని ఎంచుకోవడం సామాన్య విషయం కాదు. వంద సినిమాల్లోని ఐటమ్స్‌ తీసుకుని చేసిన సినిమా కాబట్టి దీనికి ‘ఐటమ్‌ రాజా’ అని పేరుపెడితే బాగుంటుందని చెప్పా. కానీ తనకు ‘ఎస్‌’ సెంటిమెంట్‌ ఉందని భీమనేని చెప్పారు. అలా ‘సుడిగాడు’ సెట్టయింది. ఎవరినీ అనుకరించలేదు ఇది స్ఫూఫింగ్‌ సినిమా అయినా ఏ హీరో బాడీ లాంగ్వేజ్‌నీ నేను అనుకరించలేదు. నా బాడీ లాంగ్వేజ్‌తోనే ఆ ఐటమ్స్‌ చేయమని భీమనేని సూచిస్తే, అలాగే చేశా. అది బాగా వర్కవుట్‌ అయ్యింది. ఈ సినిమాని చాలామంది హీరోలు చూశారు. వాళ్లంతా ఎంజాయ్‌ చేశారు. అందరు హీరోల అభిమానులూ ఈ సినిమాని ఆదరిస్తున్నారు. ‘మడత కాజా’ తర్వాత శ్రీవసంత్‌ ఈ సినిమాకి పనిచేశాడు. ఐదు పాటలకి ఐదు భిన్నమెన బాణీలిచ్చాడు. భాను, ప్రేమ్క్ష్రిత్‌, నిక్సన్‌ నా చేత బాగా డాన్సులు చేయించారు. ఒకప్పుడు డాన్సు చెయ్యడమంటే కష్టంగా అనిపించేది. ఇప్పుడు వాటిని బాగా ఆస్వాదిస్తున్నా.

No comments:

Post a Comment